Hesthúsið er heimili hestanna. Þar á þeim að líða vel og finna fyrir öryggi.  En mikilvægt er að hesturinn hafi nógu mikið pláss í stíunni sinni til að hreyfa sig og leggjast.  Gæta þarf þess að það sé ekkert í umhverfi hestsins sem hann getur slasað sig á, eins og til dæmis glerbrot eða oddhvassir hlutir. Hesturinn er hópdýr og þarf félagsskap frá öðrum hestum.

Það eru til mismunandi gerðir af hesthúsum í heiminum.  Á Íslandi eru flestir með stíur í hesthúsunum.  Mikil vinna fylgir því að vera með hesta á húsi.  Það þarf ekki bara að fara í reiðtúr, heldur þarf að gefa hestunum hey og kemba þeim vel. Mikilvægt er að hleypa hestunum út í gerði til að hreyfa sig, moka út flórinn, sópa og gera umhverfið snyrtilegt. En flestum hestamönnum finnst þetta skemmtilegt og hluti af hestamennskunni.